Эксперыментальны калектыў мажарэтак займаецца ў Маладзечне
Сёння ў калектыве задзейнічаныя восем дзяўчат. І ўсе яны – выкладчыцы музычнай школы.
Кіруе мажарэткамі харэограф Яўген Завадскі.
Аутар: Наталля Тур
Па матэрыялах сайта http://www.rh.by
Сёння ў калектыве мажарэтак займаюцца выкладчыцы музычнай школы: Вікторыя Крук, Дар’я Баравік, Наталля Хамко, Алена Бойка, Ілона Саўлавец, Кацярына Грачанік і Вікторыя Хіхель (справа налева). Фота Наталлі Тур.
– Наташа, куды пайшла? – Я не помню, куды іду! – так дзяўчаты з калектыву мажарэтак рэпеціруюць свой першы выхад з духавым аркестрам Маладзечанскай дзіцячай школы мастацтваў, які адбудзецца 9 красавіка.
Сёння ў калектыве задзейнічаныя восем дзяўчат. І ўсе яны – выкладчыцы музычнай школы.
Кіруе мажарэткамі харэограф Яўген Завадскі.
– Шчыра прызнацца, для мяне гэта новы досвед, – расказвае Яўген. – Мажарэткі – гэта не толькі харэаграфія. Яны, як вы ведаеце, суправаджаюць духавы аркестр. А вось як зрабіць так, каб яны былі не толькі ценем аркестра, а дзяўчатамі, ад якіх захоплівае дух, гэта, мабыць, і ёсць самая складаная задача.
Заняткі праходзяць два разы на тыдзень, доўжацца яны паўтары гадзіны.
– Мне пашанцавала ў тым, што ўсе дзяўчаты з музычным слыхам, таму ім не трэба расказваць, што такое трымаць рытм. Але складанасці, вядома, ёсць.
Мажарэткі выступаюць з жэзламі, іх яшчэ называюць мажорамі. А маршыраваць з пабочнымі прадметамі, канешне, больш складана. У маладзечанскіх мажарэтак пакуль няма ні жэзлаў, ні касцюмаў. Яны ў стадыі стварэння.
– Мы пакуль адпрацоўваем музычны нумар на тры хвіліны. А ёсць жа і такія, якія доўжацца па 10 хвілін. Гэта калі аркестр выконвае папуры.
Яўген прызнаецца, што ў сваёй працы не давярае ролікам з інтэрнэту.
– Мне больш цікава прыдумаць нешта самому, таму мае мажарэткі, хочацца верыць, будуць у чымсьці ўнікальнымі і не падобнымі да іншых.
<blockquote style="margin: 30px 0px; padding: 0px; border-top-width: 1px; border-bottom-width: 1px; border-left-width: 0px; border-top-style: dashed; border-bottom-style: dashed; border-top-color: rgb(219, 213, 251); border-bottom-color: rgb(219, 213, 251); outline: 0px; font-size: 24px; vertical-align: baseline; float: left; width: 851px; line-height: 30px; color: rgb(134, 131, 152); font-family: 'PT Serif', serif; background-image: initial; background-attachment: initial; background-size: initial; background-origin: initial; background-clip: initial; background-position: initial; background-repeat: initial;">Цяперашняя група мажарэтак – эксперыментальная. У Маладзечне нічога падобнага раней не было. Калі эксперымент атрымаецца, то з новага навучальнага года ў групу будуць набіраць дзяўчат. Асноўныя патрабаванні да кандыдатак у мажарэткі – рост ад 160 сантыметраў і прывабная знешнасць.
</blockquote>– Хаця аркестр і галоўны, але дзяўчаты павінны быць такімі прыгожымі, каб ад іх не адвесці вачэй было, – лічыць Яўген Завадскі.
Рэпетыцыя пачынаецца ў 19:30.
– Для нас гэта разгрузка пасля цяжкага працоўнага дня, замена фітнесу, – кажуць дзяўчаты-ўдзельніцы калектыву. – Гэта адна рэпетыцыя, а другая пачынаецца ў восем раніцы. Тады гэта зарад на ўвесь працоўны дзень. Адным словам, заняткі ідуць толькі на карысць, як не круці.
Даведка: Мажарэткі – памочніцы тамбурмажора, галоўнага бубнача. Дзяўчаты ў ваеннай або падобнай форме, удзельніцы парадаў. Найбольш часта гэта дзяўчаты ў кароткіх спадніцах, у касцюме, які нагадвае ваенную форму з галунамі і ўпрыгожваннямі (даламанамі), у боціках. Мажарэткі носяць на галаве ківер са страусавымі пёрамі, у руках жэзлы або барабаны. Яны звычайна ідуць з ваенным аркестрам і адбіваюць рытм.